- 721 -

1447. Okt. 19.

Vnsire fruntliche dinste zuuor. Ersamen, weisen, liebin herren, besundere goner, als ewir ersamkeit vns von den sachin czwisschen hern Hannsen von Pack, Mossche Juden vnd den vom Goltberge, Iban Foiten, Junghen Albrechten von Pack vnd vns gewant geschreben vnd in den sachen eyner gute czwisschen dem nehstkomenden sante Elizabethtage begernde seit, also das in der czeit ewir erbarkeit vmb guter eynunge willen die sachen sich zu vns muhen welle etc. lossen wir ewir liebe wissen, das wir hern Hannsen vnd Junghen Albrechten ewir begere vorgetragen haben vnd mit en eigentlichen aws den sachen gereth, also dassie vnd wir die sachen vmb ewir liebe willen gerne wollen gutlichin lossin anstehin bis uff den genanten sante Elizabeth tag, also das sie die iren vnd auch wir von ewir erbarkeit besorgit mogin werden, das sulche gute auch von dem vom Goltberge, Iban Foite; Ruprechten vnd auch Moschin also gehaldin werde vnd das sie die iren vnd auch wir vnd die vnsern in eynem sulchen nicht betrogin werden, wenne vns als hewte vorkomen ist das der genante Iban in sulcher gute, die denne ewir erbarkeit bis vff morne gemacht hot, by dreyen tagen selb dritte uff den strossin gerethen hot vnd die vnsern gesucht, das eyn sulches besorgit werde, so denne in der czeit ewir liebe eynen tag beiden teilen legen welle, des wellen sie vnd wir denne gerne wartende seyn. Gebin am dornstage vor der eylfftawsunt jungfrawen tage anno etc. XLVII°.
Burgermeister, ratmanne zum Jawor.

Orig. Kgl Bibl. z. Berl Ms. Boruss. f. 568. No. 123.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866